Коррупцияга қарши курашиш агентлигида Хотин-қизлар байрами муносабати билан Агентликда фаолият юритаётган аёллар учун тантанали байрам тадбири ташкил этилди.

Тадбир аввалида Агентлик директори Акмал Бурханов нозик хилқат эгаларига байрам табригини йўллади.

Табрикда аёлларнинг ижтимоий-сиёсий, иқтисодий ҳаётнинг фаол иштирокчисига айланиб улгургани, хусусан, коррупцияга қарши курашишдек долзарб ва масъулиятли фаолиятда ҳам уларнинг фидойилик билан хизмат қилаётгани алоҳида эътироф этилди.

Тадбир мобайнида давлат ва жамият ҳаёти ривожида ана шундай беқиёс ўринга эга бўлган қадрли опа-сингилларимизга самимий тилаклар билдирилди. Эл ардоғидаги санъаткорлар ( сўз устаси Зокир Очилдиев, хонандалар Дилноза Исмияминова ва Аминзода Жуманиёзов)нинг чиқишлари билан байрам тадбири янада кўтаринки руҳда давом этди.

Тадбир якунида Агентлик аёлларига байрам совғалари улашилди.

Коррупцияга қарши курашиш агентлиги

Ахборот хизмати

3563 972 Босма версияси

Korrupsiyaga qarshi kurashish Axborot xizmati 07.03.2023

• Ҳаволадан нусха олиш