Агентлик директорининг навбатдаги шахсий қабули ўтказилди

Бугун Коррупцияга қарши курашиш агентлиги директори Акмал Бурхановнинг навбатдаги шахсий қабули бўлиб ўтди.

Фуқаролар ўз мурожаатларида ногиронлик гуруҳини белгилашдаги бюрократия ва сансалорлик, ер низоларининг тўлиқ ва холисона кўриб чиқилмаётгани, айрим қарорлар сохталаштирилгани, шунингдек, давлат идоралари ҳамда ҳуқуқ-тартибот органлари томонидан ўтказилган ўрганишлар юзасидан норозиликларини билдиришди.

Шу билан бирга, айрим мурожаатчилар томонидан мамлакатимизда коррупцияга қарши курашиш самарадорлигини янада оширишга қаратилган таклиф ва тавсиялар ҳам илгари сурилди.

Қабул давомида барча мурожаатлар атрофлича тингланиб, ҳар бир масала бўйича ҳуқуқий тушунтириш ва амалий тавсиялар берилди.

Қўшимча ўрганиш талаб этадиган, шунингдек, коррупция ҳолатлари ҳақида келиб тушган хабарлар юзасидан ариза ва шикоятлар белгиланган тартибда қабул қилиниб, уларни қонуний ҳал этиш ҳамда ижросини қатъий назоратга олиш бўйича тегишли чоралар белгиланди.

Коррупцияга қарши курашиш агентлиги

Ахборот хизмати

46 7 Босма версияси

Korrupsiyaga qarshi kurashish Axborot xizmati 22.05.2026

• Ҳаволадан нусха олиш