Joriy yilning 20-yanvar kuni Korrupsiyaga qarshi kurashish agentligi hamda Konrad Adenauer jamg‘armasining Markaziy Osiyodagi vakolatxonasi o‘rtasida hamkorlikni rivojlantirish yuzasidan uchrashuv bo‘lib o‘tdi.

Учрашувда Агентлик директори Акмал Бурханов, ваколатхона раҳбари Ронни Хайне ва ҳар икки ташкилот масъул ходимлари иштирок этди.

Конрад Аденауэр ташкилотининг коррупцияга қарши курашиш соҳасидаги ислоҳотларни амалга оширишда яқиндан кўмак кўрсатганлигини, жумладан, коррупцияга қарши курашиш бўйича ички назорат тузилмалари фаолиятини такомиллаштириш борасидаги ҳамкорлиги эътироф этилди.

Ўз ўрнида, R.Xayne Агентлик томонидан олиб борилаётган ишларни юқори баҳолаб, коррупцияга қарши курашиш соҳасидаги ўзгаришлар тизимли равишда йўлга қўйилганлигини таъкидлаб ўтди ва Агентлик билан ҳамкорлик қилишдан мамнун экканлигини билдирди.

Шунингдек, учрашув доирасида икки идора ўртасида келгусидаги ҳамкорлик йўналишлари муҳокама қилинди. Жумладан, коррупцияга қарши курашиш соҳасида халқаро экспертларни жалб қилган ҳолда семинар ва тренинглар ташкил этиш, соҳага оид тадқиқотларни ташкил этиш белгилаб олинди.

Учрашув сўнггида томонлар ҳамкорликни янада жадаллаштиришга, келгусида қўшма тадбир ва лойиҳаларни амалга оширишга келишиб олишди.

Коррупцияга қарши курашиш агентлиги

Ахборот хизмати 

3764 953 Босма версияси

Korrupsiyaga qarshi kurashish Axborot xizmati 22.01.2023

• Ҳаволадан нусха олиш