Oliy Majlis Senati Sud-huquq masalalari va korrupsiyaga qarshi kurashish qo‘mitasining navbatdagi majlisida “Normativ-huquqiy hujjatlarning va ular loyihalarining korrupsiyaga qarshi ekspertizasi to‘g‘risida”gi Qonun muhokama qilindi.

Korrupsiyaga qarshi kurashish agentligi va manfaatdor idoralar bilan birgalikda ishlab chiqilgan mazkur hujjatda quyidagilar nazarda tutilgan:

➖korrupsiyaga qarshi ekspertizani o‘tkazish adliya organlari, Korrupsiyaga qarshi kurashish agentligi, tashkilotlar yuridik xizmatlari tomonidan ham o‘tkaziladi;

➖korrupsiyaga qarshi ekspertiza o‘tkaziladigan normativ-huquqiy hujjatlar doirasi aniq belgilanmoqda;

➖qonunchilik hujjatlarini korrupsiyaga qarshi ekspertizadan o‘tkazishda jamoatchilik ishtiroki mustahkamlanmoqda.

Senatorlar fikricha, ushbu Qonun amaldagi hamda qabul qilinayotgan normativ-huquqiy hujjatlarning sifati oshishiga xizmat qiladi.

Muhokamalar yakunida Qo‘mitaning tegishli qarori qabul qilinib, masʼul tashkilot va idoralarga tegishli vazifa va tavsiyalar berildi.

Korrupsiyaga qarshi kurashish agentligi

Axborot xizmati

2987 1169 Bosma versiyasi

Korrupsiyaga qarshi kurashish Axborot xizmati 21.06.2023

• Havoladan nusxa olish