Korrupsiyaga qarshi kurashish bo‘yicha “Tashabbuskor yoshlar” yozgi maktabi tashkil etildi

Joriy yilning 22-24-iyul kunlari Korrupsiyaga qarshi kurashish agentligi tomonidan Toshkent viloyatida korrupsiyaga qarshi kurashish bo‘yicha “Tashabbuskor yoshlar” yozgi maktabi tashkil etildi.

Ushbu loyiha “Nihol” markazi va “Perspestivity” xalqaro nodavlat notijorat tashkiloti hamkorligida amalga oshirildi.

Asosiy maqsad davlatimiz rahbari raisligida 5-mart kuni o‘tkazilgan Korrupsiyaga qarshi kurashish bo‘yicha Milliy kengashning kengaytirilgan yig‘ilishida belgilab berilgan vazifalar ijrosini taʼminlash, xususan, yoshlarni “korrupsiya – kelajakka tahdid” degan g‘oya ostida birlashtirish, korrupsiyaga qarshi kurashish jarayonlariga ularni faol jalb etish, salohiyat ва imkoniyatlaridan to‘g‘ri ва unumli foydalanishga qaratilgan.

Turli sohalardan faol yoshlar jamlangan Yozgi maktabda milliy va xorijiy ekspertlar tomonidan yoshlarga qaror qabul qilishda xolislik, jamiyatda ochiqlik va halollik qadriyatlarini mustahkamlash borasida amaliy maʼruzalar o‘qildi.

Shuningdek, ishtirokchilar guruh o‘yinlari, loyihalar yaratish va bahs-munozaralar orqali korrupsiyaga qarshi kurashishga oid o‘z bilim va ko‘nikmalarini yanada oshirdi.

Mashg‘ulotlar mobaynida ular tomonidan korrupsiyaning oldini olish bo‘yicha taklif va yechimlar ishlab chiqilib, amaliyotga joriy etish masalalari muhokama iqlindi.

Tadbir yakunida barcha ishtirokchilarga sertifikat topshirildi.

Korrupsiyaga qarshi kurashish agentligi

Axborot xizmati

1014 80 For print

Korrupsiyaga qarshi kurashish Axborot xizmati 25.07.2025

• Copy link